KATHNIEL, HINDI PA RIN MAGPAPATALO SA IBANG LOVETEAMS; FANS TODO SUPORTA!

​Asia’s Emerging Movie King and Queen, ito ang mga bagong bansag ngayon sa Teen King and Queen na sina Daniel Padilla at Kathryn Bernardo. Pinatunayan naman ng dalawa ang lakas nila sa fans matapos ang magkasunod na birthday celebration ng mga fans sa kanila. Ngayon pa lamang nga ay naghahanda na ang mga ito lalo na ang KB Buddies sa series of block screening ng pelikulang sisimulan na nila sa susunod na buwan na kukunan sa Barcelona, Spain na ididirehe ni Olive Lamasan. 

Hindi raw papayag ang mga fans na hindi mag-set ng box office record ang dalawa lalo na at mahigpit ang kumpetisyon sa mga loveteams dahil mauunang ipapalabas ang pelikula ng JaDine na sina James Reid at Nadine Lustre. Dito na raw magkakaalaman kung sino talaga ang number one at hottest love team ng bansa.
Ni Mildred Bacud