Alden Richards binilhan ng 5-bedroom house ang pamilya!

Ni John Fontanilla

​Labis labis daw ang kasiyahang nararamdaman ng Pambansang Bae na si Alden Richards sa pagkakaroon ng 5-bedroom house na titirhan nila ng kanyang pamilya sa June.

Tsika nga ni Alden, “Masarap po yung feeling kasi alam ko po kung paano bahain yung bahay, na naghihintay ka na lang lumubog.
"So, tapos nagre-rent po kami e, sabi ko, nag-usap-usap po kami ng family, sabi ko, ‘Okay lang naman ako na magbayad ng medyo mahal nang konti basta yung titirahan natin, atin na.’
“Hindi na po kami kakaba-kaba na, ang hirap din po kasing tumira sa bahay na hindi sa iyo e ’tsaka po binabaha.
“So iyon po, very happy, at least, mas mapapalagay na po yung lolo’t lola ko kasi mas malaki po ngayon yung gagalawan nila.”
Regalo daw ito ni Alden sa kanyang buong pamilya. Basta nakikita daw nitong maayos at masaya ang kanyang pamilya ay masaya na rin siya.