AlDub, DAPAT MAGPASALAMAT KAY ALLAN K

By Timmy Basil ​​

​NOW  it can be told na ang may pasimuno, ang may utak at ang may pakana kung bakit may AlDub ngayon na kinababaliwan ng milyon-milyon, ay walang iba kundi si Allan K. 
Sa programa ni Arnold Clavio, kinleym ni Allan K na siya ang nagsimula kung bakit may pinagkakaguluhang AlDub sa kasalukuyan. 

Nagsimula ito nang mapansin niya na out of character si Yaya Dub (Maine Mendoza) sa mga naunang batuhan nila ng dubsmash ni Alden Richards, and presto...ipinanganak na ang tambalang AlDub. 
Tama naman si Allan, siya ang unang nagbiro, o nagbuyo sa dalawa at mapapanood naman ito sa video. 
So, kaya pala hindi na sumasali si Allan K sa mga ginagawa nina Wally Bayola (Lola Nidora), Paolo Ballesteros (Lola Tidora) at Jose Manalo (Lola Tinidora) ay dahil nga siya pala ang utak ng AlDub. 
At inamin niyang hanggang ngayon ay kinikilig pa rin siya sa pinaggagawa ng dalawa. 
At hanggang ngayon ay nababaitan pa rin daw siya kay Maine, hindi raw ito nagbago ng ugali. 
'Yun ang gusto kong marinig. Kasi karamihan sa mga artista, kapag sumisikat na ay nagbabago na ang ugali. Nagiging maarte na, nagpapa-importante. 

Tiyak na matutuwa ang AlDub fans sa sinabi ni Allan na hindi nagbabago ang ugali ni Maine Mendoza. Tiyak na lalo siyang mamahalin. 
Di natin malaman kung saan pa hahantong ang kanilang Kalyeserye. 
Ang sabi ni Joey de Leon, mahaba pa raw ang lalakbayin. Siyempre hindi naman puwedeng hanggang sa ligawan na lang sila nang ligawan, kailangan either sagutin o mabasted ni Maine si Alden, at kapag sinagot niya ito, siyempre hindi na puwede yung pa-dubsmash-dubsmash na lang sila o pasulat-sulat sa bond paper, kailangan na nilang mag-usap at magdikit at maghawakan, and then baka mamanhikan na si  Alden, magpakasal, magka-anak, etc., etc. 
Magkaganun man, mukhang walang kapaguran pa rin ang AlDub fans na subaybayan ang kanilang idolo araw-araw sa telebisyon.

---

Back to Headlines