Daniel Padilla, ibinahagi ang Best Movie Actor trophy kay Kathryn Bernardo!

Ni John Fontanilla

​​Ibinahagi ng 2017 Philippine Movie Press Club 33rd Star Awards For Movies Best Movie Actor na si Daniel Padilla, para sa pelikulang Barcelona : A Love Untold, ang kanyang pagkapanalo sa kanyang ka-loveteam na si Kathryn Bernardo.

Part nga ng speech ni Daniel, "Kumbaga sa boxing, si Kathryn ang sparring partner ko para marating ang ganitong tagumpay.

"Hindi ibig sabihin ng award na ito na magaling ako. Ibig sabihin nito na marami pa akong kakaining bigas para galingan ko pa."

Nag iisa din nitong tinanggap ang tropeyo nila ni Kathryn para sa Movie Love Team of the Year. "In behalf of Kathryn, tinatanggap ko ang award na ito. Salamat sa KathNiel fans na patuloy na sumusuporta sa amin six years na.”

Tinalo ng KathNiel love team ang iba pang nominadong loveteams like Maine Mendoza and Alden Richards (Imagine You And Me), Nadine Lustre and James Reid (This Time), Julia Barretto and Ronnie Alonte (Vince And Kath And James), Julia and Joshua Garcia (Vince And Kath And James), Jodi Sta. Maria and Ian Veneracion (Achy Breaky Heart), as well as Jodi and Richard Yap (Achy Breaky Heart).