Habang napapalapit sa isa't isa ... Alden at Maine, mas lalong sumisikat!

Ni John Fontanilla

​Labis labis ang kasiyahan ng Aldubnation sa sobrang sweetness nina Alden Richards at Maine ‘Yaya Dub’ Mendoza sa kalyeserye ng Eat Bulaga.
Mukhang totohanan na nga daw ang nangyayari sa dalawa at di na scripted, katulad na lang ng harutan at nang mag-kiss ang mga ito na sobrang makatotohanan na.

At habang napapalapit nga daw ang puso ng dalawa ay sunod sunod na blessings ang dumadating sa mga ito. Bukod sa mga TV commercials at endorsements ay magbibida pa ang dalawa sa isang drama episode ng Lenten presentation ng Eat Bulaga.
Dagdag pa dito ang pagwawagi ni Maine Mendoza sa Nickelodeon bilang Most Popular Filipino Celebrity, kung saan tinalo nito sina Kathryn Bernardo, Enrique Gil at James Reid.
Habang si Alden naman ay sunod sunod ang out of the country shows na ang latest ay ang kanyang successful Dubai show, concerts at sa pag akyat bilang 5-time Platinum ng kanyang 2nd album, ang Wish I may under GMA Records.