JC DE VERA, DI PINOPORMAHAN SI JESSY MENDIOLA

Ni Glen Sibonga

​Magkasama sina JC de Vera at Jessy Mendiola sa dalawang ABS-CBN shows, ang You’re My Home at Banana Sundae. Kaya naman nag-uumpisa na ring ma-link sila sa isa’t isa lalo na nga’t kaka-break lang ulit ni Jessy sa boyfriend nitong si JM de Guzman.

Ano ang masasabi ni JC sa pagli-link sa kanila ni Jessy? “Okay lang. Wala namang problema kasi talagang magkatrabaho naman kami. Very comfortable naman ako sa kanya. Pero siguro wala pang anything more than friends,” paglilinaw ng aktor.
Paano niya sinuportahan si Jessy nang dumaan ito sa panibagong pagsubok sa lovelife nito? “Wala, nandoon lang ako. Kakausapin ko lang siya kung kailan siya pwedeng makausap. Tapos kung kailangan naman niya ng kakuwentuhan, nandoon lang din naman ako. Hindi rin naman ako yung tipong umiiwas. Basta comfortable siyang makipag-usap, makikipag-usap naman ako. Nandito lang ako para makinig and to support her.”

---