JENNYLYN MERCADO-DENNIS TRILLO , hiwalay na naman

​TWO weeks ago  lang ay nakita sina Jennylyn Mercado at Dennis Trillo na magkasama for some water adventure in Maldives sa Beehive Hotel sa Conrad Maldives Rangali Island luxury resort  kung saan nakunan sila ng larawan at ipinost sa Instagram. Sa Maldives nila napiling i-celebrate ang kanilang kaarawan. Dennis, just turned 35 last May 12, and Jennylyn, turned 29 last May 15.  

Kaya talaga namang marami ang nagulat nang sumabog ang balitang hiwalay na naman ang dalawa. Hindi applicable sa kanila ang saying na love is  sweeter the second time around. Kapuna-punang nagtanggalan na ng photos ng isa’t isa ang dalawa sa kani-kanilang Instagram account. Bigla na lang nawala ang parang nilalanggam-sa-ka-sweetan nilang mga pics na nagpakilig sa kanilang fans.
Parehong tikom ang bibig ng dalawa hinggil sa hiwalayan. Pangalawang beses na ito kaya siguro naman ay hindi na muling magpapadala si Jennylyn sa matamis na dila nitong si Dennis. It's about time na finally ay isarado na niya ang pinto para kay Dennis. Siguro naman ay natuto na siya the second time around.
Ni Lourdes Fabian