JOHN LLOYD, umaming hiwalay na nga sila ni ANGELICA

Ni Lourdes Fabian

​MATAPOS ang halos isang buwan ay umamin na rin sa wakas ang Kapamilya actor na si John Lloyd Cruz na hiwalay na sila ng aktres na si Angelica Panganiban.

Ang kumpirmasyon ay mula sa batikang komentarista at TV Patrol anchor na si Ted Failon sa programa nila ni Noli de Castro sa DZMM. Sa isang pagtitipon sa ABS-CBN ay nakita ni Ted sina John Lloyd at Piolo Pascual at hindi raw napigilan ng magaling na radio commentator ang sarili na usisain ang actor tungkol sa almost two weeks nang pinag-uusapang hiwalayan nila ni Angelica. 
Laking gulat ni Ted dahil umamin daw si John Lloyd na tinuldukan na nga nila ni Angelica ang kanilang relasyon, pero nananatili naman daw silang magkaibigan.
Nito lang  Wednesday, for the first time, nagsalita na rin si Lloydie tungkol sa hindi mamatay-matay na balitang he is in a relationship with onscreen partner Bea Alonzo. Mariin niyang itinanggi na may namamagitan na sa kanila ni Bea kahit pa nga may nagpapatunay na nakita silang magkasama na sweet na sweet sa isa't isa sa isang pribadong isla. "Hindi po. Magkaibigan po kami. Wala pong relasyon," mabilis na pagtanggi ng binata.
Kung kelan unti-unti nang natatanggap ng kanilang mga fans ang pag-amin ni Lloydie na split na sila ni Angelica, muli na naman silang naguluhan dahil balitang the two are once again on speaking terms, kaya duda ng iba ay baka nagbalikan na uli sila. Kitang-kita sa kanilang Instagram accounts ang pagpapalitan nila ng mensahe.