KRIS AQUINO, HINDI IMBITADO SA KASAL NI AI AI DELAS ALAS

Ni Morly Alinio

​​Si Ai Ai De Las Alas na mismo ang nagsabing solidong solemn ang gaganaping nalalapit nilang kasal ng boyfriend na si Gerard Sibayan kaya hindi nito iimbitahan si Kris Aquino, hindi dahil sa galit pa rin siya sa kaibigan kundi iniiwasan lang daw niyang pagpiyestahan at maintriga ang pag iisang dibdib nila ng non-showbiz bf. 
Sabi ni Ai Ai, kung iimbitahan niya si Kris ay posibleng ulanin sila ng intriga ng mga bashers, pakialamero’t pakialamera. “Gusto ko siyempre yung walang intriga, yung tahimik lang ang kasal,” ani Ai Ai.
Honestly, naranasan na rin ni Ai Ai ang maikasal pero sa kauna-unahang pagkakataon ay ngayon lang super excited si Ai Ai dahil natagpuan nito sa katauhan ng isang Gerard Sibayan ang right man na magmamahal sa kanya habang buhay.

Aminado ang komedyante na mas malaki ang perang iaambag niya sa kanilang pag iisang dibdib ni Gerard pero hindi raw iyon ang mahalaga, ang importante ay kung gaano nila kamahal ang isa’t isa.
Base sa nakarating sa aming balita ay 80-20 daw ang hatian nina Ai Ai at Gerard sa kanilang wedding, na kung saan ay hindi daw pumayag si Gerard na akuhin ng aktres ang lahat ng gastos.
Samantala, mukhang mahal talaga ni Gerard si Ai Ai dahil ang binata mismo ang nagmungkahi sa komedyante na magkaroon sila ng prenuptial agreement.
Sa kabilang banda, tuloy na tuloy na ang kasal nina Ai Ai at Gerard sa December 12. Ang wedding gown na tinatahi na ngayon pa lang ni Frederick Peralta ay regalo ni Marian Rivera sa Comedy Queen.