LUIS MANZANO, HINDI NA DAW PAPALAG KAHIT ANO PA ANG MAISULAT SA KANILA NI ANGEL LOCSIN

Ni Morly Alinio

​Personal na nakausap namin si Luis Manzano at mariing sinabi nito na hindi na raw siya papalag kahit ano pa ang masulat sa kanila ni Angel Locsin. “Isulat na nila ang gusto nilang isulat, wala silang maririnig sa akin.”

Ayon kay Luis mas makabubuting huwag na siyang magsalita pa dahil kung anu-ano lang din naman ang mga naglalabasan. “Walang dahilan para mag explain pa ako. At wala rin naman akong dapat ipaliwanag sa mga tao.”
Hindi na raw kailangan pang isa-isahin ni Luis kung ano ang tunay na pinag ugatan ng hiwalayan nila ni Angel. Basta ang importante ay nanahimik siya at wala siyang kinausap tungkol sa rason ng breakup nila. 
Tungkol naman sa issue na nabuntis niya ang beauty queen/actress na si Ara Arida, ay mariing sinabi ni Luis na isa ito sa mga walang katotohanan na issue na ngayon ay pinagpipiyestahan. “Siguro bago ko siya mabuntis dapat makilala ko muna siya nang personal.”
Hindi daw kilala ni Luis ang beauty queen na si Ara at never silang nagkaroon ng pagkakataong magkita at magkausap.