TONI GONZAGA-PAUL SORIANO, magkaka-baby na

Ni Lourdes Fabian

​FINALLY magkaka-baby na si Toni Gonzaga, 32, sa kanyang asawang si Paul Soriano, 34. Ito ang kinumpirma ng isang source, na malapit sa dalawa. Wala pang opisyal na pahayag ang kampo nina Toni at Paul tungkol sa pagbubuntis ng TV host-actress.  

Ang pagbubuntis na ito ni Toni ang itinuturong  dahilan kung kaya’t naantala ang gagawin sana niyang primetime series para sa ABS-CBN, ang Written In Our Stars, kung saan kasama niya sa cast sina Piolo Pascual, Sam Milby, at Jolina Magdangal.
Noong July 2015 pa inanunsiyo ang pagsisimula ng taping para sa Written In Our Stars at nakatakda sana itong umere ngayong first quarter ng 2016. Ikinasal sina Toni at Paul noong June 12, 2015 pagkatapos ng walong taong pagiging magkasintahan. Mukhang mapapaaga ang pagdating ng kanilang unang supling dahil sa isang panayam ni Toni pagkatapos nilang ikasal ni Paul, sinabi niyang balak nilang magkaanak ng “late 2016 or early 2017 pa.”