VICE GANDA, NAGSALITA NA SA KUMPETISYON NG NOONTIME SHOWS!

​Ni Mildred Bacud

Mas umiinit nga ang kumpetisyon sa pagitan ng It’s Showtime at Eat Bulaga. Pero sabi ni Vice, “Ang Showtime ay 6 years pa lang and we will be celebrating our anniversary this Saturday nga and Eat Bulaga ay 36 years na.

You cannot compare naman talaga a six year old child to a 36 year old adult na mabilis tumakbo, malawak na ang karanasan. Kami parang nag-uumpisa pa lang. Importante naman yung napapasaya nating mga tao.”
Masaya ang komedyante na umabot man sa puntong naiwan sila sa rating, dahil naman kay Ms. Pastillas na si Angelica Yap ay unti-unti na silang bumabawi. From a double digit margin to single digit na lang. “Masaya na nga kami na 6 points na lang yung pagitan tapos nag-two points pa.” 
Sa mga nagsasabing nanggagaya raw ang It’s Showtime sa kalaban nitong programa, sey niya, “Wala namang original. Ang importante marami tayong napapasayang tao.”