VICE GANDA, SWAK AS MTRCB CHAIRMAN

​Isa si Vice Ganda sa mga nakatulong sa kandidatura ni President-elect Rodrigo Duterte. Aminin natin sa hindi, malaki ang naiambag ni Vice kay DU30 lalo na noong mga panahon ng kampanya dahil lagi niya itong bukambibig.
Kahit sabihin pang marami ang naiimbiyerna kay Vice dahil sa pagiging totoo nito ay mas marami pa rin ang kabig sa comedy actor dahil bukod sa may sense ang kanyang pagpapatawa ay masasalamin mo sa mga sinasabi niya ang totoong kulay ng buhay at pamumuhay ng isang Pinoy.

Kung may qualified mang maging bagong chairman ng MTRCB ay si Vice iyon dahil bukod sa matalino ito ay hindi ito tulad sa mga naunang naging chairman ng MTRCB na walang ginawa kundi magpa-cute lang sa mga interviews.
Honestly, kung si Vice ang magiging bagong chairman ng MTRCB, feeling namin ay magkakaroon ng higit na kabuluhan ang nasabing ahensiya ng ating pamahalaan. Mas magiging matalino at patas ang mga desisyon sa pagbibigay ng mga ratings sa mga palabas na ieere sa telebisyon.
Bading man kung titignan si Vice, lukaret man siya kung magsuot ng damit at mag ayos ng buhok, pero sa kabuuan ay almost perfect bilang artist si Vice kahit sabihin pa nating madaldal at prangka itong magsalita. 
Tapatan at prangkahan, tanong lang, may nagawa ba ang bagong chairman ng MTRCB mula nang siya ay umupo sa nasabing ahensiya ng ating pamahalaan?
Nga nga!
Ni Morly Alinio