AGA MUHLACH, BALIK DOS NA!

​​Pagkagaling sa Amerika ay muling mapapanood si Aga Muhlach sa dati nitong mother TV station. At ayon kay Aga ay last year pa ito naging plano matapos hindi na pumirma ng panibagong kontrata ang actor sa bakuran ng TV 5.
Maayos naman ang ginawang pagpapaalam ni Aga sa Kapatid Station kaya isang daang porsiyentong walang magiging problema. “Magandang kausap si Aga kasi kahit noong umalis siya sa Siyete at lumipat sa Dos nagpaalam din siya nang maayos, same sa ginawa niya noong gumawa siya ng project sa Singko, nagpaalam din siya sa Dos kaya walang nagiging problema at madali siyang nakakabalik sa station na gusto niyang puntahan,” ayon sa aming nakausap.

Isang heavy drama soap opera ang nakatakdang gawin ni Morning sa Dos na kung saan ang huling balita namin ay makakasama nito si Bea Alonzo. “Kahit saan mo naman dalhin si Aga, keri niya kasi magaling siyang actor. Mapa-drama o comedy, kaya niya.” Sabi pa uli ng aming source na nagkumpirmang nakatakda nang pumirma si Morning ng bagong kontrata sa ABS-CBN.
“Matagal na ring hindi na napapanood si Aga kaya maraming fans ang tiyak na matutuwa sa kanyang pagbabalik sa Dos. Kasi sa totoo lang kahit may mga naging project siya sa Singko parang wala rin kasi wala namang nakakapanood sa kanya dun kaya good decision ang kanyang ginawa.”
Well…well… well…
Sa totoo lang sa lahat ng mga naging artista ng Singko (Nora Aunor, Lorna Tolentino, Willy Revillame, Aga Muhlach, Sharon Cuneta at marami pang iba) ay bukod tanging si Derek Ramsay lang ang nanatiling nasa bakuran ng Singko kahit sa kabila ng katotohanang may offer na uli itong bumalik sa Dos.
Ni Morly Alinio