Alden, birthday treat para kay Maine ang Boracay trip?

Ni Noel Asinas

​​Ibang-iba ang birthday celebration this year ng phenomenal star na si Maine Mendoza kumpara sa mga nakaraang taon dahil ngayon ay nagcelebrate siya bilang isang celebrity. Mas lalo namang naging espesyal ang birthday niya dahil sa mas lumalalim nilang samahan ni Alden Richards.

Bukod kasi sa ipinakitang sorpresa ni Alden para kay Maine sa Eat Bulaga ay nagpunta pa ang dalawa sa Boracay kasama ang ilang mga kaibigan ni Maine at pamilya nito. Para kay Maine, hindi na rin iba si Alden sa kanya dahil sa loob ng ilang buwan ay marami na silang pinagdaanang dalawa. Pero ang pinaka-nakakakilig dito ay ang balitang si Alden pala mismo ang sumagot sa birthday bash ng aktres sa Boracay. Samantala, masusulyapan muli sa primetime si Alden Richards ngayong Miyerkules sa That’s My Amboy. Ano kayang pasabog ang gagawin ng Pambansang Bae dito? Abangan!