Alden, Maine, pati Aldub Nation niyayanig ng intriga

​​Umabot lamang ng halos isang taon bago makaramdam ng panlalamig maging ang mga press sa tambalang Alden Richards at Maine Mendoza. Ni hindi pa nga sila nakakagawa ng serye bagaman at may nagawa silang movie para sa MMFF at isang Lenten special ng Eat Bulaga. 

Gagawa rin sila ng second movie nila pero, ang serye na inaabangan ng Aldub Nation ay nasa bingit pa ng alanganin. May artistang babae na kinukonsider ang direktor ng serye pero, hindi ang sumikat sa pangalang Yaya Dub. Wala itong bilib sa akting ni Maine na nanalong Best Supporting Actress sa kanyang unang movie. Kaya nagpaplano ng kanilang gagawing hakbang ang Aldub Nation na lately ay naging abala sa pagtatanggol kay Maine sa dami ng pangaalipusta at pamimintas na tinatanggap nito.
Ni Veronica Samio