By Veronica Samio
Kapag napunta ka sa bahay ni Alonzo Muhlach, aakalain mong meron silang toy store sa loob dahil na rin sa dami ng mga laruang nakalagay nang maayos sa mga iskaparate. Pero, hindi ito for sale.
| Mga personal toys ito ng batang artista na masinop niyang ginagamit pero, pagkatapos ay ibinabalik niya sa loob ng pinagkunan niyang lalagyan. Hindi lang ito ganito karami dahil artista siya't kumikita. Maski naman nung hindi pa siya artista ay talagang binubusog na siya ng kanyang mga magulang sa mga laruan. Kaya hanggang ngayon, maayos at hindi pa nasisira ang mga ito. Animo'y may tindahan siya ng laruan dahil ayos na ayos ang pagkakatago nito sa mga iskaparate. Pero, hindi panay laro ang inaatupag ng limang taong gulang na child actor. Sa kabila ng kaabalahan nito sa pelikula, TV at maging sa paggawa ng komersyal, napapanatili pa rin ni Alonzo ang mataas niyang standing sa La Salle na kung saan ay nasa kindegarten siya. Si Alonzo ang isa sa iilang mag aaral na napagsasabay ang kanyang pag aaral at pag aartista. Salamat sa mabuting pangangasiwa ng kanyang ama at ng kanyang manager sa kanyang schedule. Si Alonzo ang endorser ng Frabelle Bossing Hotdog na masayang tinanggap ni Nino Muhlach dahil paborito ng anak niya ang hotdog. May pera na nga naman ito, may nakakain pa na paborito niya.  |  |
RSS Feed