​Mukhang walang kapupuntahan ang hinihintay na pagpapakita ng propesyonalismo ni Maja Salvador para sa isa niyang movie na ginawa para kay Sen. Jinggoy Estrada na Tatay Kong Sexy. Magdadalawang taon nang tapos ang movie pero, nabalam ang pagpapalabas nito at ngayon lamang napagpasyahang ipalalabas ito at isasabay na rin sa Father's Day celebration. 

​​Sa mga sandaling ito ay sinisimulan na ang taping ng programang Encantadia pero may nakarating sa aming balita na nahihirapan ang director sa mga bagong cast ng nasabing pantaserye dahil karamihan daw sa mga ito ay hindi ganun kahusay ang acting. “Kailangan kasi maging kapani-paniwala ang acting nila kasi pantaserye nga ito. Isang kuwentong hindi totoo pero kailangang maging makatotohanan,” sabi ng aming mahaderang kaibigan.
Ayon sa aming source, dalawa sa main cast (Danaya, Amihan, Alena, Pirena) ang hindi daw maka acting nang tama para sa kanilang role, unlike noong sina Iza Calzado (as Amihan), Sunshine Dizon (as Pirena), Karylle (as Alena), at Diana Zubiri (as Danaya) pa ang bida sa nasabing programa.

​MARAMI ang nasiyahan sa paglabas sa Maalaala Mo Kaya ni Nora Aunor. Naging tampok din siya sa 25th MMK anniversary, dumating siya sa ASAP kung saan nagyakap sila ni Madam Charo S. Concio.

​Ibinahagi ng Asia’s Pop Sweetheart na si Julie Anne San Jose na malapit na niyang ilabas ang kanyang 3rd album under GMA Records. Ayon sa aktres, mapapansin daw sa bago niyang album ang pagma-mature niya bilang isang singer. 

​Hot na hot ang presidential son na si Baste Duterte. Mas lalong na-curious ang publiko sa kanya nang makita nila sa mga larawan na kasama ni Baste ang sexy star na si Ellen Adarna sa Siargao. 
Artistahin din si Baste at balita ko may isang sikat na talent manager ang nagpahayag na kung gusto ni Baste na mag-artista ay magpi-presinta siya bilang manager.

​​Everytime na lalabas at very sweet sa isa't isa ang Teen King and Queen ng Philippine Showbiz na sina Daniel Padilla at Kathryn Bernardo ay ang mga ever supportive fans ng mga ito (KathNiel) ay sobrang saya.
Kagaya na lang nang lumabas ang mga ito at nag dinner na nakunan ng litrato at nalagay sa internet ay tuwang tuwa ang mga KathNiel fans.

​​GRABE talaga ang power ng social media. Kapag may taong gusto mong siraan, gamitin mo ang social media and presto, magagawa mo na ito pero sa kabilang banda, may magandang nagagawa naman ang social media.  Kapag nagiging viral ang larawan o video mong ipi-nost, maaaring life changing ito sa iyong subject. 
Kagaya ngayon, sino ba ang mag-aakala na ang isang 13-year old na Badjao na namamalimos karga-karga ang kanyang nakababatang kapatid sa isang piyestahan, ay ngayo’y instant celebrity na. Siya si Badjao Girl, si Rita Gabiola ng Lucena City. 

​Unti-unting nang pinagpaplanuhan ng newly-engaged couple na sina Paul Jake Castillo at Kaye Abad ang kanilang kasal pagkatapos mag-propose ng aktor sa kanyang kasintahan sa mismong birthday ng aktres noong May 17.
Hindi pa raw sila nakakapili ng wedding date dahil kumukonsulta pa sila sa feng shui expert tungkol dito. “Yung family namin kasi believes in feng shui. So, we’re trying to look for the right date na papayag yung feng shui. May mga dates naman silang ibinigay, pero iyon nga problema na niya (Kaye) iyon, tapos na ang problema ko e,” pabirong sabi ni Paul Jake nang mag-guest sila ni Kaye sa ABS-CBN morning talk show na Magandang Buhay.

​Si Robin Padilla mismo ang nagsabing hindi siya hihingi ng anumang posisyon sa incoming administration   kahit sabihin pang noong mga panahon ng kampanya ay naging masigasig ang action star sa pagtulong sa bagong president-elect na si Rodrigo Duterte.
Katwiran ni Robin, malaki ang kanyang paniniwala na kayang maging magaling na pangulo ni Digong kung kaya’t tumayo siya upang ipagsigawang karapat-dapat itong manalo na siya namang nangyari.
At dahil dito, marami ang nagsasabing posibleng bigyan daw si Robin ng puwesto sa administrasyon bilang pagtanaw ng utang na loob ngunit iling lang ang sagot ng actor.

​​Inamin ni Aiko Melendez na nagtampo pala ang panganay niyang si Andre Yllana nang mauna niya pang ipaalam sa Instagram bago sa kanyang anak na boyfriend na niya ang Persian businessman na si Shahin Alimirzapour. Si Andre ay anak ni Aiko sa dating asawang si Jomari Yllana.