ARRON VILLAFLOR-DAWN CHANG, mag-on na!

Ni Lourdes Fabian

​ISA pa ring couple na scene-stealer sa katatapos lang na Star Awards ang Best Supporting Actor winner na si Arron Villaflor para sa All of Me na naka-tie ni Arjo Atayde para sa  FPJ’S Ang Probinsyano. Kasama ni Arron ang nali-link sa kanya ngayon na isa sa Girl Trends na si Dawn Chang.

Sa tuwing tatanungin si Arron tungkol sa kanila ni Dawn ay lagi niyang sinasabi na friends lang sila pero kitang-kita namin ang paghu-holding hands nila habang nasa loob ng Novotel at ibang klase ang extra sweetness nila sa isa't isa. Dati siyang na-link sa naging leading lady niyang si Yen Santos.