Ayawan din kaya ng mga Kathniel fans? Piolo, ma-bash din kaya na tulad ni Angel kapag pumasok sa La Luna Sangre?

Ni Veronica Samio

​Sigurado na ang pagpasok ni Piolo Pascual sa La Luna Sangre. Kapag nagkataon ay madaragdagan ang ipagtatanggol nina Daniel Padilla at Kathryn Bernardo dahil siguradong iri-resent na naman ito ng mga Kathniel fans na naiinsulto dahil para daw lumalabas na hindi kayang dalhin ng Kathniel ang LLS.

Kaya napilitan ang magka-loveteam na ipagtanggol si Angel Locsin sa pamba-bash ng mga fans nila dahil namatay na ang character nito sa Imortal, sila ni John Lloyd Cruz, sa mga unang episodes ng LLS pero, ibinalik pa ito. Susunod na si Piolo na una ring nakatambal ni Angel sa Lobo. Kung babalikan sa LLS ang istorya ng mga bida sa Lobo, si Piolo din kaya ay makatikim ng pamba-bash?