Carrot Man at Badjao Girl... PUWEDENG LOVETEAM!

​​GRABE talaga ang power ng social media. Kapag may taong gusto mong siraan, gamitin mo ang social media and presto, magagawa mo na ito pero sa kabilang banda, may magandang nagagawa naman ang social media.  Kapag nagiging viral ang larawan o video mong ipi-nost, maaaring life changing ito sa iyong subject. 
Kagaya ngayon, sino ba ang mag-aakala na ang isang 13-year old na Badjao na namamalimos karga-karga ang kanyang nakababatang kapatid sa isang piyestahan, ay ngayo’y instant celebrity na. Siya si Badjao Girl, si Rita Gabiola ng Lucena City. 

Naging viral sa social media ang kuha sa kanya ng isang Pinoy tourist. Marami ang nagka-interest sa kanyang maamong mukha at ngayon ay kinuha na si Rita ng isang artist management company, ang Power Casting Management ni Jerome Navarro at ilang linggo o buwan pa mula ngayon ay baka masisilayan na natin si Rita sa mga tv shows, commercials at baka maging sa pelikula. 
Bago kunin ng Power Casting Management si Rita ay na-feature muna siya sa Rated K ni Korina Sanchez. Tinulungan din siya ni Korina, binigyan ng trabaho ang kanyang mga magulang sa lokal ng Lucena at binigyan ng scholarship ng Rated K si Rita provided na dapat hihinto na siya sa panlilimos. 
Sayang, kung maaga-aga lang sana, baka nakatulong pa si Rita sa kandidatura ni Mar Roxas. Di ba kasi ang mga Pinoy masyadong emosyonal?
Anyway, hindi na babalikan ni Rita ang panlilimos dahil nga heto't artista na nga siya. 
Sa test photoshoot pa lang kay Rita, artistang-artista na ang kanyang dating. 
Puwede siyang i-partner kay Carrot Man na si Geryk Sigmaton kung sa GMA 7 siya mapupunta, pero kung sa ABS-CBN, aba puwede siyang i-love triangle kina Ylona at Bailey. 
Sa totoo lang, ang dami nang buhay ang nagbago dahil sa social media, ito naman ang kagandahan.
Naku, sino kaya ang susunod na magiging viral at mag-iiba ang buhay dahil sa social media na miyembro ng cultural minorities? Sikat na si Geryk na isang Igorot at Rita na isang Badjao, naku, Aeta kaya? Dumagat, Mangyan, Tasaday o T'Boli at iba pang pangkat etniko?