Cedrick Orlina magpapakilig sa 3rd leg ng Internet Heartthrobs Mall Show!

Ni John Fontanilla

​​Isa sa aabangan sa 3rd leg ng “Internet Heartthrobs Mall Show” na gaganapin sa Dec. 17, 4pm sa Portal Mall GMA Cavite ay ang social media influencer na si Cedrick Orlina, 16 years old at mula sa Pampanga.
 
Bata pa daw si Cedrick ay gusto na nitong pasukin ang mundo ng showbiz at sa ngayon nga daw ay unti–unti na nitong naabot ang kanyang pangarap nang sumikat sa social media.

Ang napakagandang si Liza Soberano nga daw ang showbiz crush nito at gustong makatrabaho kung mabibigyan siya ng pagkakataon. Singing, acting at dancing daw ang talent at baon ni Cedrick sa pagpasok sa showbiz.
 
Makakasama ni Cedrick sa 3rd leg ng Internet Heartthrobs  Mall Tour sina Jam Morales, Ron McLean, Jhustine Miguel, Generation 6 Dancers, Miore, Sweet Angels, New Generation, Kids on the Blocks, atbp, with host Jana Chu Chu at hatid ng New Placenta, Unisilvertime, Ysa Skin and Body Experts  at Aficionado Germany Perfume.