​Chivas, wish makasama sa pelikula o teleserye si Bea Alonzo!

By John Fontanilla

Pagkatapos mamahinga ng ilang taon ay muling nagbabalik sa showbiz ang isa sa mahusay na singer at katas ng Pinoy Dream Academy na si Chivas.          

Tsika nga ni Chivas na sa kanyang pagla-lie low sa showbiz ay tumulong siya sa kanilang family business, pero hindi naman daw siya huminto sa kanyang pag awit dahil sa kanilang probinsiya ay patuloy pa rin siyang kumakanta sa mga shows.

At sa kanyang pagbabalik ay may mga shows na siyang gagawin at early next year ay makakasama siya sa isang compilation album at nakatakda din siyang gumawa ng sarili niyang album.

Willing na rin daw itong umarte sa pelikula at teleserye at kung mabibigyan nga daw siya ng pagkakataon ay ang kanyang showbiz crush na si Bea Alonzo ang kanyang gustong makasama dahil bukod daw sa maganda ito ay napakahusay pang umarte.

---