DATING DJ/RECORDING ARTIST, BIDA SA OWL BUTTERFLY

Ni Timmy Basil

​Inihahandog ng Anastasia Film Productions ang pelikulang Owl Butterfly, isang advocacy film tungkol sa child and adult survivors of sexual abuse. Napapanahon ang nasabing pelikula dahil kahit saang lupalop ng mundo ay may nangyayaring sexual abuse oras-oras na paminsan-minsan ay mga kaanak pa ng biktima ang salarin. 
Kung hindi ako nagkakamali, first film ito ng mag-asawang direktor na sina Direk Jun Zarate at Direk Blessa Escuadro-Zarate starring Glenda Resurreccion as Abby. If I can recall correctly, si Glenda ay ang dating si Vilma Saya at Intruder, mga sikat na characters/DJ noon ng  DWKC, isang sikat na FM radio station noong araw and later on, naging recording artist si Glenda by the name MC Lara. 

Kasama rin dito  sina Chino Alfonso, Junyka Santarin at ang Bb. Pilipinas-Universe 1984 winner na si Joyce Ann Burton na siya ring naglapat ng English subtitle, ang story and screenplay ay mula kay Glenda Resurreccion, cinematography by Edgar Napucao, editor si Tiffanie Ang, musical scorers sina Myka Magsaysay and Paul Sigua, at colorist si Marilen Magsaysay. Nagkaroon sila ng premier night noong November 28 sa SM Megamall cinema 12.
Samantala, kung familiar sa inyo ang pangalang Direk Blessa Escuadro, yun ay dahil madalas ko siyang nababanggit sa aking mga columns dahil isa siya sa mga account executive ng Swak Na Swak at ang New Placenta ay isa sa kanyang major accounts kaya madalas ang labas ng New Placenta sa naturang magazine show.