​Derrick Monasterio, sinabing mas seksi daw siya kesa kay Alden Richards!

By Noel Asinas

MATAPANG na sinabi ni Derrick Monasterio sa contract signing niya sa GMA Records recently na mas sexy siya ngayon kay Alden Richards dahil regular siyang nagdi-gym at sumusunod sa proper diet.

Mas matangkad si Derrick ngayon at madalas nang magpakita ng six pack abs niya sa mga pictorial. Daring kung daring siya nang lumabas siya sa Cosmo recently. Di naman niya kinukumpetisyon si Alden. Magkaiba naman ang tungo ng kanilang career. Si  Derrick ay matagal nang nakilalang singer sa Party Pilipinas at SAS noon.
Hanga si Derrick kay Alden ngayon. Tingin ni Derrick ay karangalan niyang maabot din ang ginawang madaliang Platinum agad ng recent album ni Alden, ang Wish I May.
Wala pang title ang album ni Derrick. Puedeng self-titled ito. So far ay anim na songs na ang nairecord ni Derrick pero kulang pa ng dalawa. Nakatakdang irelease ang album ng GMA Records sa January.
Aabangan kay Derrick ngayon ang unang pagtatambal nila ni Bea Binene sa isang soap opera na malapit nang simulan ng dalawa. Isang afternoon soap ito na malapit nang magtaping. Balitang ang working title ay 'Remember Me'.