Dingdong Dantes, may 1M followers na sa Instagram!

By Noel Asinas

Isa na rin si Dingdong Dantes sa mga Kapuso stars na mayroong 1 million followers sa Instagram. Simula nang manganak ang kanyang asawang si Marian Rivera kay Baby Maria Letizia, mas lalo pang dumami ang nag-aabang sa mga updates ni Dong sa kanyang buhay, lalo na sa pagiging ama nito sa panganay.

Si Dingdong kasi ang madalas mag-post ng mga photos ni Baby Zia sa Instagram lalo noong kapapanganak pa lang ni Marian.
Kailan kaya muling pagsasamahin ang mag-asawa sa isang soap? Dapat naman makita silang dalawa na may anak na sa TV screen kapag gumawa sila ng soap. Tiyak maraming naghihintay sa dalawang sikat na artista ng Kapuso network.