ENTENG KABISOTE NI VIC SOTTO, GINAWANG MAAGANG PAMASKO SA MGA BATA

Ni Noel Asinas

​​PINAAGA ni Vic Sotto ang Christmas ng mga bata dahil ang nakaugaliang fantasy movie niyang Enteng Kabisote 10 ay ipinalabas na noong Nov. 30. Parang tradisyon na sa local showbiz na kapag Christmas season ay mga fantasy movie ang ipinalalabas sa mga sinehan. Nagkataon na napaaga itong ipinalabas, kaya maaga rin ang Christmas ng mga bata.

Ayon kay Vic, as early as 9 am ay may screening na ang Enteng Kabisote 10. Tutal naman ang Nov. 30 ay holiday (National Heroes Day o Andres Bonifacio Day), may pagkakataon ang mga bata na manood kahit umaga ng pelikula.
 
Kasama sa cast ng Enteng Kabisote 10 sina Oyo Boy Sotto, Epi Quizon, Jose Manalo, Wally Bayola, Paolo Ballesteros, Aiza Seguerra, Bea Binene, Ryzza Mae Dizon, Ken Chan, Ryza Cenon, Cacai Bautista, Simon Loresca, Atak at rising Child Wonder Alonzo Muhlach, Joey de Leon at ang special participation ng phenomenal AlDub love team  nina Alden Richards at Maine Mendoza. Idinirek ito nina Tony Y. Reyes at Marlon Rivera.