Hiro Peralta binusog sa pangaral ng nag iisang Superstar na si Nora Aunor!

Ni John Fontanilla

​​Sa nalalapit daw na pagtatapos ng Little Nanay ay ibinahagi ni Hiro Peralta ang mga magagandang pangaral at tips ng nag iisang Superstar na si Ms Nora Aunor para maging isang mahusay na actor.

Kuwento pa ni Hiro na nakakabilib daw ang pagiging down to earth ni Ate Guy kahit na nga itinuturing itong nag iisang Superstar ng bansa, marami nga daw siyang natutunan dito patungkol sa pag arte at magandang pakikisama sa mga co-actors at mga tao sa production.
Hindi nga daw ito naging maramot sa pagbibigay sa kanila ng pangaral at tips na labis labis naman nilang na-a-appreciate at nagagamit sa trabaho.
Ilan nga daw sa natutunan ni Hiro sa nag iisang Superstar ay ang isapuso ang trabaho, pag aralang mabuti ang role na ginagampanan, makisama nang maayos sa mga kapwa artista na katrabaho at sa mga tao sa produksiyon, laging maging handa at pag aralan ang script bago pumunta ng taping at marami pang iba.