Iya Villania at Drew Arellano, ready na sa kanilang second baby!

Ni Noel Asinas

​​NA-OVERCOME na ni Iya Villania ang “takot” sa panganganak. Kaya ready na siya muling magbuntis kapag pinagpala sila muli. Noong panahong siya’y nagli-labor sa firstborn nila ng asawang si Drew Arellano, sinabi niyang ayaw na niya muling manganak. Hirap talaga! Pero, sa pagiging ina niya kay Baby Primo, naghihilom na ang pagkatakot na muling siyang mabuntis.  
Feeling ni Iya na blessed na silang mag-asawa na nabiyayaan ng isang baby boy. Gusto pa nilang masundan si Baby Primo ng babae naman para maging kumpleto na ang kanilang pamilya. Perfect ang kanilang relationship dahil never silang nagkaroon ng away. Petty quarrel lang, tapos magtatawanan lang silang dalawa pagkatapos. Maaaring bunga ito ng long relationship bago nagpakasal. Ayon sa mag-asawa ay 14 years na silang magkarelasyon. Siyempre, nagsimula ito nang sila’y magsyota pa lang at hanggang magpakasal almost two years ago.

Magkasama na ngayon sa isang programa  ang mag-asawang Drew at Iya, ang People vs. The Stars na nagsimulang ipalabas noong January 15, 5-6 pm, GMA 7. Mga celebrity stars ang contestants ng comedy-game show. Puedeng mag-uwi ang mananalo sa game ng P200,000 cash. May walong mind-boggling questions na may respective cash value. Kung ang isang artista ay di masagot ang mga katanungan, ang question cash value ay mapupunta sa televiewers  sa pagsagot naman ng “People Question  of the Week” thru text.
Ani Iya, “Feeling ko hindi ako nagtrabaho habang nagti-taping ang People vs. The Stars. Kasi, kasama ko ang asawa ko. Hindi mabigat dahil panay patawa si Drew at ako rin ay nahahawa na rin sa pagiging kuwela. Puede ko pang isama si Baby Primo habang nagti-taping ang show.”