Kahit tinapatan ni Robin…. Willie, nangunguna pa rin sa rating!

​​Hanggang katapusan na lamang sa Kalayaan studio ang programang WOWOWIN ni Willie Revillame kaya naman masaya siya dahil lilipat na sila sa Studio 7 ng GMA network. Co-produce na rin kasi ng Kapuso ang kanyang programa.

Bagaman na malaki ang nagastos sa pagpapagawa ng studio sa Kalayaan alam naman daw ni Willie na mababawi nila ito. Sa katunayan kahit tinapatan ng programa ni Robin Padilla, ang Game Ng Bayan ang programa niya ay nanatiling mataas ang rating nito.
Sa amin namang pagdalaw sa nasabing show nakita namin si Bentong. Isang linggo na pala itong bumalik sa dating amo. Sey niya may existing one year contract pa siya sa Dos pero kailangan na raw kasi niyang magtrabaho. Si direk Bobot Mortiz daw mismo ang nakiusap kay Willie na bigyan siya ng trabaho.
Ni Mildred Bacud