Kate Brios, umani ng papuri sa horror-suspense movie ng Maria Labo

By Noel Asinas

NAIYAK si Kate Brios nang pinalakpakan siya ng moviegoers na nanood ng first solo movie niya, ang Maria Labo, na idinirek ni Roi Vinzon.

Sabi ng veteran entertainment columnist na si Vir Gonzales, si Kate ay parang hindi baguhan kung umarte bilang babaeng nasapian ng aswang. Bigay na bigay sa mahihirap na eksena kapag siya’y sinasapian. Nilalapa niya ang mga taong kanyang nakakaharap.
               
Bukod pa rito, daring din pagdating sa romantic angle si Kate. May eksenang bumigay siya sa kissing scenes kay Jestoni Alarcon, na lumabas na asawa niya, na naguguluhan sa kanya kung bakit nagagawa niyang halos ma-rape niya ang kanyang asawang lalaki sa eksena. Sinapian na kasi ng masamang espiritu si Kate sa scene.
               
Kahit si Mayor Rodrigo Duterte ng Davao City ay pumunta pa ng Maynila para suportahan ang kanyang kababayang si Kate. Si Kate ay lumaki sa Davao. Doon siya nag-elementary at highschool. Old family friend si Duterte ng mga Brios. Kinailangan pang magstay ng overnight ni Mayor Duterte sa Manila para makadalo sa premiere night ng pelikula na ginanap sa SM Megamall Cinema 7 noong Tueday night.

Nasabi ni Duterte na natutuwa siya sa tinahak na career ni Kate. Ayon sa mayor, bagay na maging artista si Kate. Maganda at may talent sa pag-arte.