KC CONCEPCION, happy sa pagbabati nina MEGA at PIOLO

By Lourdes Fabian

MASAYANG sasalubungin ng aktres na si KC Concepcion ang Bagong Taon dahil natupad ang matagal na niyang minimithing pagbabati ng kanyang inang si Sharon Cuneta at ex-boyfriend na si Piolo Pascual.

Ayon kay KC, very personal ang nasaksihan niyang eksena noon pero napatunayan niyang totoo ang kasabihan na "time heals all wounds."
"I was there, very personal, pero I'm at peace, I'm very happy that it happened. Time truly does heal wounds. At pinagdarasal ko yun and I'm sure pinagpi-pray ni Piolo yun na there was some glue that just brought us together and I'm just happy for that moment," wika ng 30-year-old actress.
Aminado naman si Mega na nasaktan niya ang pamilya ng 38-year-old actor lalo na ang ina nito sa kanyang mga nasabi noon. Kahit daw hiwalay na sina KC at Piolo, anak pa rin ang turing niya sa aktor. Ayon kay Sharon, alam niyang sincere si Piolo sa paghingi ng tawad at siya rin umano ay sinsero sa paghingi ng tawad sa aktor.

---