​Lovi, gusto nang kalimutan si Rocco

By Veronica Samio

Kahit kinailangang magsama pa rin nina Lovi Poe at Rocco Nacino para sa huling taping ng Beautiful Strangers, tinanggap na rin ng marami na bahagi lang ito ng kanilang trabaho pero, sa personal nilang buhay ay nagkakalabuan na silang totoo.

Matapos ang BS ay masasamahan na rin ni Lovi sa pangangampanya ang bff niyang si Heart Evangelista para sa asawa nitong si Sen. Chiz Escudero na tumatakbo para bise presidente. Inaasahan na makakatulong ang paglilibot ni Lovi kasama si Heart para tuluyan nang magamot ang sugat ng kanyang puso na nalikha dahil sa paghihiwalay nila ni Rocco.