LOVI, WALANG GALIT KAY ROCCO

​Hindi man swerte sa lovelife, napakaganda naman ng takbo ng career ni Lovi Poe. May serye siyang pinagbibidahan sa Kapuso network, ang Someone To Watch Over Me kapareha si Tom Rodriguez at pelikulang The Escort kung saan katambal niya si Derek Ramsay.

Naniniwala ang aktres na marahil nga ay ganun lang, na kung okay ang career,  sa love life naman ay hindi.
Kahit naman hindi maganda ang dahilan ng paghihiwalay nila ni Rocco Nacino hindi naman daw siya nagtanim ng galit. Matatandaang lumabas ang isyu kung saan pinerahan lamang daw siya ng dating nobyo. Bagay na tinanggi naman niya. Magagandang salita pa nga ang sinabi niya na mananatiling espesyal sa puso niya si Rocco.
Ni Mildred Bacud