Makakasama ni Richard Gutierrez sa Panday TV series....Alonzo Muhlach malapit nang maging TV 5 star!

By Noel Asinas

MAGIGING Kapatid star na ang cute at magaling na child star na anak ni Nino Muhlach na si Alonzo Muhlach.

Makakasama si Alonzo ni Richard Gutierrez na lalabas sa bagong Panday TV series ng Kapatid Network. Ang Panday ay creation ni Direk Carlo Caparas na unang nilabasan sa pelikula ng Da King Fernando Poe, Jr.
Balitang malalaking projects ang nakalaan sa child actor sa TV 5 na recently ay nagwagi sa Star Awards for TV sa kategoryang Best Child Performer.
Bukod kay Alonzo, inaasahan ding makakasama sa TV series ni Richard sina Jasmin Curtis Smith at ang kapatid ni James Reid na si Jack Reid.
Ibang approach daw ang gagawin sa Panday series ng TV 5 na bandang February 2016 pa mapapanood.  Maraming adventure at kalabang haharapin ang bida. Ang Panday ay sa ilalim ng direksyon ni Mac Alejandre.