​MARLO, TANGGAP NA HINDI NA SIYA ANG KA-LOVETEAM NI JANELLA

By Mildred Bacud

Bago pa man buwagin ang tambalang Marlo Mortel at Janella Salvador ay nakagawa pa sila ng pelikula, ang Haunted Mansion na entry ng Regal Films sa Metro Manila Film Festival na ipapalabas ngayong Kapaskuhan. Nanghinayang nung una ang aktor dahil marami na ring supporters ang kanilang loveteam.

“Sino naman ang hindi malulungkot, di ba? Heto na sana yung opportunity na dapat ay mag-step up ang loveteam namin. Tapos heto pa ang nangyari. Wala naman akong magagawa kundi tanggapin na lang, di ba, and galingan ko na lang ang sarili. Madami ring fans ang na-heartbroken kasi marami naman kaming following ni Janella. Nai-push pa sana, pero di ko alam kung bakit [hindi]. Ganun talaga ang buhay—you never know what's gonna happen next."