May dayaan, may ticket swapping, may yarian ng awards? Magulo ang MMFF 2015!

By Veronica Samio

​Hindi na bago yang mga kontrobersya at intriga kapag may ginaganap na awards night. At hindi na mahalaga kung sinasabi mang may lutuan sa pagbibigay ang award sa mga nanalo lalo't obvious na ang nanalo ay hindi kasing husay ng kanyang mga nakalaban. 

Pero, ang reklamo sa pagiitsa pwera ng pelikulang tinampukan at pinrodyus din ni John Lloyd Cruz sa kategorya ng Best Picture ng pelikula ng Kapamilya actor ay isang mahalagang isyu na dapat magkaro'n ng paliwanag mula sa mga taong nasa likod ng MMFF. Hindi naman siguro aalma ang mga nasa likod ng Honor Thy Father kung hindi naganap ang disqualification ng movie isang araw bago ang Gabi ng Parangal. Nakadagdag pa sa sentimyento ng mga nasa likod ng HTF tulad ni Dondon Monteverde at Erik Matti na siyang nag-direk ng pelikula kundi sa kanya ipinagkaloob ang Best Director. Paano ka nga naman mananalo ng Best Director kung wala kang pelikulang kasali sa festival. Awardee din si Tirso Cruz lll bilang Best Supporting Actor para rin sa Honor Thy Father. Ang kahahantungan ng kontrobersya ang siyang magdidikta kung meron tayong dapat ipangamba.