Nadine Lustre, biktima ng fake news

Ni John Fontanilla

​​Deadma na lang ang Viva Princess na si Nadine Lustre sa mga naglalabasang hate campaign sa kanila ng kanyang BF and ka-loveteam na si James Reid.
Nasanay na nga ang dalaga sa mga fake news sa kanila ni James mula sa mga taong walang magawa kung hindi batikusin silang dalawa.

Ayaw na lang daw itong patulan ni Nadine at mas gusto na lang na magkaroon ng good vibes at bigyang oras ang kanyang trabaho.
At isa nga sa sorpresa nito sa kanyang mga loyal supporters ay ang paglabas ng bagong campaign ng "Folded and Hung" featuring her and James bilang pinakabagong image models ng nasabing sikat na clothing line.
Bukod pa nga daw dito, may iba pang bagong endorsement si Nadine na lalabas bago matapos ang taon na dapat abangan ng kanyang mga tagahanga.