SHARON CUNETA GUSTO NANG MAGKAAPO KAY KC CONCEPCION

​At the age of 32 ay gusto na pala ni Sharon Cuneta na mag asawa na ang kanyang dalagang anak na si KC Concepcion dahil feel na niyang maging lola.
Ayon kay Sharon, sa sandaling maisipan ni KC na mag asawa ay hindi siya tutol lalo pa at alam niyang nasa mabuting kamay ang kanyang magandang dalaga.

Kamakailan sa inilabas ni KC Concepcion sa kanyang IG account ay makikitang magkakasama sila nina Ally Borromeo at Sharon Cuneta at obvious na walang katotohanan ang balitang on the rocks ang relasyon ng aktres at ng sportsman na si Ally.
Iwas magsalita si KC sa relasyon nila ni Ally pero mapapansin na laging present ang aktres sa mga laro ng boyfriend at maging sa rehearsal ay lagi itong naroon para suportahan ang guwapong BF.
“Ally Borromero is a good man at galing sa matinong pamilya at ito ang isa sa mga nagustuhan ni Sharon sa boyfriend ng kanyang anak kaya madalas na sinasabi niyang mag asawa na si KC, di ba? Aside sa gusto na niya talagang magkaapo, feeling niya nagkakaedad na si KC at baka ito mahirapang manganak kung sakali,” ayon sa aming source.
Dagdag pa ng aming source, ang pagiging magalang ni Ally ang isa sa mga nagpahanga kay Sharon kaya wala itong magiging tutol kung sakaling maisipan ng magkasintahang magpakasal na.
Samantala, kahit anong tukso ni Sharon pala kay KC na mag asawa na ito ay ngiti lang ang sagot ng dalaga dahil kahit sabihin pang 32 years old na ang aktres ay wala pa sa isipan nito ang magkaroon ng sariling pamilya.
“Mas abala si KC sa lovelife niya kesa sa kanyang career. Look may project ba siya ngayong ginagawa? Kaya no wonder kung lagi mo siyang makikitang kasama si Ally at wala akong nakikitang masama dun dahil nagmamahalan naman sila,” sabi pa ng aming source na malapit kay Sharon Cuneta.
Ni Morly Alinio