Pagiging piloto..... MALABO NANG MATUPAD NI ALDEN RICHARDS

ALAM nyo bang walang kabalak-balak noon si Alden Richards na pasukin ang showbiz? Noong bata pa siya ay marami nang nagsasabi na puwede siyang mag-artista dahil super gwapo niya. Ang gusto talaga ni Alden ay ang maging piloto.

 Ang may gusto lang naman talaga na mag-artista siya ay ang kanyang nanay na sa kasamaang palad ay hindi na nasaksihan ang tinatamong kasikatan ngayon ng anak dahil sumakabilang buhay na ito. 
Dumaan sa butas ng karayom si Alden bago naging artista. Dumaan muna siya sa pageants. Sumabak din sa Star Struck pero ang aga niyang natanggal. 
Kahit nung magkaroon na siya ng  teleserye ay tinaningan niya ang kanyang sarili na kung hindi  siya  magiging successful ay iiwanan niya ang showbiz at tutuparin ang kanyang pangarap na maging piloto. 
Binigyan niya ng second chance ang kanyang sarili at heto na ang resulta. 
Ibayong kasikatan na kahit sinumang eksperto sa showbiz ay hindi kayang ipaliwanag kung bakit ganito kasikat si Alden ngayon, katuwang siyempre ang katambal niyang si Yaya Dub. 

Very inspiring ang istorya ni Alden. 
Maraming aral ang makukuha sa kanya. Ang pagiging mabait, maginoo, matiyaga, pasensiyoso, mapagmahal sa pamilya, paggalang sa nakatatanda, pagiging masinop, etc., etc. 
Hangga't may Eat Bulaga ay magdedere-deretso ang kasikatan ng AlDub. 
At siyempre, dire-diretso rin ang kasikatan ni Alden. At ang personal niyang pangarap na maging isang piloto ay mukhang imposible nang magkaroon ng katuparan. 
Sa showbiz, ibuka lang niya ang kanyang bibig sa awiting "God Gave Me You" ay milyones na ang  kinikilig samantalang kapag naging piloto siya, napaka-risky ng trabaho, konting deprensiya lang ng makina sa ere, puwede na nila itong ikamatay.

Ni Timmy Basil