PAOLO CONTIS IWAS PAG USAPAN SI LJ REYES

By Morly Alinio

Noon pa putok ang balitang nagkakamabutihan na sina Paolo Contis at LJ Reyes. Kung paniniwalaan ang balita ay maraming kuwentong naglalabasan na madalas na nakikitang sweet ang dalawa.

Walang pag amin mula sa aktres sa kung ano ang tunay na score ng kanilang relasyon pero alam ng lahat na matagal na silang nagmamahalan kaya ang tanong tungkol sa pag ibig ang bungad namin kay Paolo Contis nang siya ay aming makausap kamakailan.
Inamin ni Paolo na totoong madalas silang magkasama ni LJ pero hindi kasama sa pag aming iyon ng aktor kung totoong sila na dahil obvious na umiiwas ito nang simulan naming maitanong ang tungkol kay LJ.
"Hahahahahaha,  no comment tayo diyan. Ayokong pag usapan yan." Yun lang ang matipid na sabi ng binata na kamakailan ay nakipaghiwalay na sa babaeng pinakasalan na ang latest na tsika ay si LJ ang tunay na dahilan.

Kung paniniwalaan ang bali-balita, bukod daw sa madalas na magkasama sina LJ at Paolo sa mga lakaran, at sa bahay raw ni aktres madalas natutulog ang actor na isa sa mga bida sa Angela Markado bilang isa sa mga rapists ni Andi Eigenmann. "Basta magkaibigan kami ni LJ... hanggang dun lang," sabi pa uli ng aktor nang muli namin siyang kulitin na sa totoo lang kahit anong ikot namin ng ang tanong ay isa lang ang pinaninindigan niya noong mga oras na iyon, ayaw niyang pag usapan ang relasyon nila ni LJ. Period.