​Pelikula nina Marlo Mortel at Janella Salvador na Haunted Mansion may block screening mula sa grupong Marnella!

By John Fontanilla

Nagkaroon ng block screening para sa pelikulang "Haunted Mansion" last December 28, 2015 sa Fishermall ang grupo ng Marnella  sa pangunguna ni Mommy Eva kung saan naimbitahan ang ilang kapatid sa panulat kasama ang inyong lingkod.

Grabe ang suporta ng grupong Marnella sa tambalan nina Marlo Mortel at Janella Salvador dahil punong puno ang Cinema 1 ng Fishermall at sa bawat eksena na magkasama sina Marlo at Janella ay talaga namang kinikikig ang mga ito at naghihiyawan.

Dumagundong sa lakas ng hiyawan ang venue nang dumating sina Marlo at Janella. Isang mensahe ng pasasalamat ang ibinigay naman ng dalawa.

Maraming mga nanood ang nagandahan sa obra maestra ni Direk Jun Lana at napabilib sa magandang performance dito nina Marlo at Janella kaya naman after the film showing ay isang malakas na palakpakan ang pinakawalan ng lahat ng mga taong nasa loob ng sinehan.