POKWANG DI DAW SINUSUPORTAHAN SA PERA ANG FOREIGNER BF NIYA

By Cielo Dizon

Mariing pinabulaanan ni Pokwang ang usap-usapang siya ang bumubuhay sa American actor at boyfriend niyang si Lee O'Brien na nasa Pilipinas at kasalukuyang nakatira sa bahay ng komedyante sa Antipolo.

Ang mahalaga raw kay Pokwang ay kasundo ng kanyang anak na si Mae ang kasintahan. Nabatid na nakunan o dumanas ng miscarriage ang komedyante sa dapat sana'y first baby nila ng dayuhang bf ngunit naka-move on na rin sila mula sa pangyayari.       

​Ayon kay Pokwang o Marietta Subong sa tunay na buhay, sadyang hindi maiiwasan ang isyu ngunit hindi na raw niya ito pinagtutuunan ng pansin lalo't wala naman silang natatapakang tao at hindi rin daw nanghihingi ng pera sa iba.
"Ang hinihingi lang namin sa inyo ay maging masaya kayo sa kung ano ang meron kami ngayon dahil iba yung masaya ka ng pinagdasal mo. I-try n'yo yon," natatawang sambit ni Pokwang.
Giit ng 45-year old comedianne na mananatiling buo ang suporta niya sa foreigner boyfriend sa kahit anong gawin nito lalo na sa pag-aartista dito sa Pilipinas.