ROBIN PADILLA, balik Kapamilya

By Lourdes Fabian

​BALIK-Kapamilya si Robin Padilla kaya isa sa mga araw na ito ay muli siyang pipirma ng kontrata sa ABS-CBN management.

Matatandaang umalis si Robin sa Dos nang mag-expire ang kontrata niya noong 2013 at lumipat siya sa GMA Network kung saan nakakontra noon ang asawa niyang si Mariel Rodriguez. Hindi nagtagal ay lumipat din siya sa TV5 kung saan siya ang nag-host sa Talentadong Pinoy at gumawa rin siya ng sitcom kasama ang mga kapatid na sina Rommel Padilla and BB Gandanghari, “2/12 Daddies.”
Siguradong ngayon pa lang ay inihahanda na ang bagong show na ibibigay kay Robin ng Kapamilya network.