Rufa Mae, pakakasal nang buntis na buntis?

​​Hindi nagwo-worry si Rufa Mae Quinto kahit madalas itong makitang dumadalo sa mga okasyon na may kinalaman sa showbiz kahit buntis na buntis dahil kasama naman nito parati si Trevor Magallanes, ang ama ng kanyang dinadala at siyang sinasabi niya na mapapangasawa niya sa buwan ng Oktubre.

May mga paghahanda nang ginagawa para sa wedding. Meron na silang napiling simbahan na pagpapakasalan nila, may wedding gown na si Rufa at may lugar na pagdarausan ng reception. Kwestyon na lamang  ay kung makakaya ng seksing komedyana ang maglakad sa aisle nang buntis na buntis. Pero, buo na ang loob ni Rufa Mae na mag asawa na. Katunayan inaamin niya na sa kanya nagmula ang ideya na magkaasawa na. Kahit maikli lamang ang panahon ng kanilang relasyon ay hindi na ito naging mahalaga sa kanya.