Ryza Cenon, pinagtanggol ni Sunshine Dizon sa mga bashers

Ni John Fontanilla

​​Ipinagtanggol ng award-winning actress na si Sunshine Dizon ang kanyang co-actress sa top rating soap na "Ika-Anim na Utos" na si Ryza Cenon sa mga bashers nito.
Maaalalang naging mahusay ang pagganap ni Ryza bilang kabit na si Georgia na siyang nang aapi sa original na asawa na si Emma, na ginagampanan ni Sunshine. Hit na hit ang kanilang mga eksena sa mga manonood na naging dahilan para kainisan si Ryza ng mga televiewers.

Tsika nga ni Sunshine, “Natutuwa ako sa kanya kasi unang-unang time niya na magkaeksena kami, ‘yung sampalan pa, napansin ko, kahit cheeks niya, nanginginig.
“So, I’d like to congratulate Ry for doing a great job. Kinaiinisan siya kahit off-cam, kasi, ganu’n siya ka-effective na actress.
“Pero ako, I am telling you, she’s a sweet person kapag hindi siya si Georgia,” ayon kay Sunshine.