SARAH GERONIMO, hindi feel maging Darna

By Lourdes Fabian

Nilinaw ni Sarah Geronimo ang matunog na usap-usapan sa social media na hiwalay na sila ng boyfriend niyang si Matteo Guidicelli.

"Alam niyo po, kahit anong sabihin ko diyan, wala akong control diyan. Isipin nila kung ano ang gusto nilang isipin. Dumating na ako sa pagkakataon na isipin niyo kung ano ang gusto niyong isipin, sabihin niuo kung ano ang gusto niyong sabihin. Alam ko kung ano ang buhay ko. Alam ko kung ano ang nangyayari sa amin. It's my decision to keep it to myself."
Korek ka dyan Sarah, hayaan mong mapagod ang mga makakating dilang pilit kayong pinaghihiwalay ni Matteo. Basta alam n'yo sa sarili n'yo kung ano ang totoo, keber!

Matapos namang sabihin ni Angel Locsin na hindi na niya magagawa ang Darna, usap-usapan na kung sino ang posibleng papalit sa kanya bilang Pinoy superheroine sa pelikulang gagawin ng Star Cinema. Hinihiling kasi ng kanyang mga Popsters na gampanan niya ang role ni Darna. Diretsahang sinabi ni Sarah na hindi para sa kanya ang Darna dahil wala siyang sexy body at never siyang magtu-two piece sa movie dahil wala naman siyang maipapakita. Although minsa'y pinangarap din ni Sarah na maging isang superheroine, hindi naman daw niya nakikita ang sarili na magiging Darna.