​Sue Ramirez thankful na mapabilang sa teleseryeng Pangako Sa’Yo

By Shane Tanayer

NGAYON ay kilala na ang karakter ni Sue Ramirez bilang si Ligaya sa teleseryeng “Pangako Sa’Yo” na pinagbibidahan nina Kathryn Bernardo at Daniel Padilla.

Nagpapasalamat ang aktres sa lahat ng patuloy na sumusubaybay sa kwento ng kanilang programa. “Sobrang thankful po ako and honored po ako na makapasok sa show. Kahit before pa naman ako pumasok sa show, malaking hit na po talaga siya, and I am thankful po na maraming sumuporta sa character ko,” saad niya.
Hindi maiwasang makaranas ng pamba-bash online ang dalaga dahil siya ang nagsisilbing third party sa pagitan nina Kathryn at Daniel sa nasabing teleserye. Pero kahit na ganun ay may iba rin na nagsasabing may chemistry sila ni DJ at talaga namang nagustuhan din ang kanyang role na siyang ipinagpapasalamat ni Sue. “Though marami rin akong bashers siyempre, pero ang dami rin po talagang nagustuhan si Ligaya. So thankful po ako sa kanila,” dagdag ng aktres na maging siya ay hindi makapaniwala na papatok ang kanilang tambalan ni Daniel sa kanilang serye.