WALLY BAYOLA WALA PANG KARAPATANG MAILAGAY SA WALK OF FAME SA EASTWOOD

By Morly Alinio

Marami ang nagtataas ng kilay kung bakit pati si Wally Bayola ay nakasama sa Walk of Fame sa Eastwood. Para nga raw walang basehan para ang isang artista ay mapasama sa grupo ng mga institution na sa showbiz world.

Kung ang pagbabasehan ay ang napapanood natin sa Eat Bulaga ay walang dudang magaling at may hatak talaga si Wally sa mga manonood pero hindi ibig sabihin noon ay established na ang kanyang pangalan at puwede na siyang luminya sa hanay nina Vilma Santos at Fernando Poe, Jr.
Wala kaming personal na galit kay Wally at sa katunayan ay isa kami sa mga fan niya pero hindi talaga namin ma-imagine kung ano ang basehan ni Kuya Germs sa kanyang pagpili ng mga artistang iniluluklok niya sa Walk of Fame.