Kobe Paras, opisyal nang pumirma sa UCLA

By Shane Tanayer

Opisyal nang pumirma ng kontrata ang anak ni Benjie Paras na si Kobe sa University of California Los Angeles Bruins noong Miyerkules.

Inanunsyo niya ito sa pamamagitan ng kanyang Twitter account. Matatandaang nakatanggap ang 6-foot shooting guard ng scholarship offer mula kay Steve Alford, coach ng UCLA Bruins. Ang UCLA ay nangunguna sa NCAA division na mayroong 11 championship titles.
Bago tumungong America dalawang taon na ang nakakaraan para tuparin ang kanyang pangarap, nag aral sa La Salle Greenhills si Kobe kung saan siya mas unang nakilala sa larangan ng basketball.